काठमाडौंको पुरानो बस्ती केलटोलमा जन्मिएका मणिहर्ष ज्योति सामान्य परिवारका सन्तान थिए। उनका बुवा–आमाले सानो दोकान सञ्चालन गर्थे। तर, उनी मात्र पाँच वर्षका हुँदा टोलमा लागेको भीषण आगलागीले त्यो दोकानलाई खरानी बनायो। त्यससँगै परिवारमाथि ठूलो ऋणको बोझ थपियो।
जीवनको कठिन मोडपछि उनको परिवार रोजगारीको खोजीमा भारतको कालिङपोङतर्फ लाग्यो। त्यहाँ उनले संघर्षपूर्ण जीवन सुरु गरे। अर्काको घरमा खाना पकाउने काम गर्दै उनले आफ्नो पढाइलाई निरन्तरता दिए।
उनीसँग स्पष्ट सोच थियो—“सफल हुन पढाइ आवश्यक छ।” यही सोचले उनलाई निरन्तर अघि बढायो।
त्यससँगै उनले व्यापारमा पनि हात हाले। उनी तिब्बतसम्म पुगेर घोडामा फलाम, पित्तल र तामाका सामग्री ल्याउँथे र तिनलाई प्रशोधन गरी बिक्री गर्थे। कठोर मेहनत र लगनका कारण उनले केवल १६ वर्षको उमेरमै बुवामाथि लागेको सम्पूर्ण ऋण चुक्ता गर्न सफल भए।
यसपछि उनको उद्यमशील यात्रा अझ व्यापक बन्दै गयो। उनले नेपालमै पहिलो पटक फलामे डन्डी, बाल्टिन, ढक, किला, काँटा, सिमेन्ट र अक्सिजनजस्ता सामग्री भित्र्याउने काम गरे। साथै, धागो उत्पादन, प्रशोधन र वितरणमा पनि उनले महत्वपूर्ण योगदान दिए।
उनकै नेतृत्वमा स्थापित ज्योति समूह आज देशको प्रतिष्ठित व्यापारिक समूह बनेको छ। यसअन्तर्गत स्याकार ट्रेडिङ कम्पनी, हिमाल आइरन एण्ड स्टिल, हिमाल अक्सिजन, ज्योति सिड लगायतका कम्पनीहरू सञ्चालनमा छन्, साथै फिलिप्सका उत्पादनहरूको आधिकारिक वितरकसमेत रहेको छ।
सादा जीवनशैली, शाकाहारी बानी र बौद्ध दर्शनप्रति आस्था राख्ने मणिहर्ष ज्योति आज पनि प्रेरणाको स्रोत बनेका छन्।
कठिनाइलाई अवसरमा बदल्ने उनको यात्रा हरेक युवाका लागि एउटा सशक्त उदाहरण हो।
उनिप्रति हार्दिक सम्मान।
#मणिहर्षज्योति #SuccessStory #NepaliEntrepreneur #RiseFromAshes #onlinepatinews