कभर स्टोरी ऐतिहासिक अभिलेखको संरक्षण र प्रवर्धन गर्नुपर्छ : अर्थमन्त्री वाग्ले ऐतिहासिक अभिलेखको संरक्षण र प्रवर्धन गर्नुपर्छ : अर्थमन्त्री वाग्लेकाठमाडौं । अर्थमन्त्री डा. स्वर्णिम वाग्लेले राष्ट्रिय अभिलेखालयमा रहेका ऐतिहासिक दस्तावेज तथा सम्पत्तिको सं। समाचार ऐतिहासिक अभिलेखको संरक्षण र प्रवर्धन गर्नुपर्छ : अर्थमन्त्री वाग्ले Online Pati News २०२६ अगस्ट १२ समाचार पढिँदैछ... फेसबुक ट्विटर ह्वाट्सएप म्यासेन्जर भाइबर ऐतिहासिक अभिलेखको संरक्षण र प्रवर्धन गर्नुपर्छ : अर्थमन्त्री वाग्लेकाठमाडौं । अर्थमन्त्री डा. स्वर्णिम वाग्लेले राष्ट्रिय अभिलेखालयमा रहेका ऐतिहासिक दस्तावेज तथा सम्पत्तिको संरक्षण र प्रवर्धन गर्नुपर्ने बताउनुभएको छ।मंगलबार साँझ रामशाहपथस्थित राष्ट्रिय अभिलेखालयको अवलोकन गर्दै उहाँले नेपालका ऐतिहासिक, राजनीतिक, धार्मिक तथा सांस्कृतिक दस्तावेज अमूल्य सम्पत्ति भएकाले तिनको संरक्षण अपरिहार्य रहेको बताउनुभयो।अर्थमन्त्री वाग्लेले अभिलेखालयमा रहेका दस्तावेजलाई भविष्यका पुस्ताका लागि सुरक्षित राख्नुपर्ने उल्लेख गर्दै अभिलेखालयलाई अध्येता, विद्यार्थी तथा इतिहासमा रुचि राख्नेहरूका लागि ज्ञान केन्द्रका रूपमा विकास गर्नुपर्ने धारणा राख्नुभयो।अवलोकनका क्रममा उहाँले ऐतिहासिक शासन व्यवस्थासँग सम्बन्धित आर्थिक तथा राजनीतिक गतिविधिका अभिलेखबारे जानकारी लिनुका साथै अभिलेखालयले प्राप्त गर्दै आएको बजेट तथा कार्यक्रमको प्रभावकारिताबारे कर्मचारीसँग छलफल गर्नुभयो।अर्थमन्त्री वाग्लेलाई अभिलेखालयको अवस्थाबारे जानकारी गराउँदै पुरातत्व विभागकी महानिर्देशक सौभाग्य प्रधानाङ्गले स्रोत तथा साधनको अभावमा ऐतिहासिक, धार्मिक, सांस्कृतिक र राजनीतिक दस्तावेज संरक्षण गर्न चुनौती भइरहेको बताउनुभयो।सुरक्षित र सुविधासम्पन्न भौतिक पूर्वाधारको अभावमा अभिलेखहरूको सुरक्षा गर्न कठिनाइ भइरहेको भन्दै उहाँले नयाँ स्थानमा जग्गासहितको भवन निर्माण, अभिलेख संरक्षणमा नयाँ प्रविधिको प्रयोग तथा कर्मचारीको क्षमता विकासमा बजेटमार्फत लगानी गर्न अर्थमन्त्रीको ध्यानाकर्षण गराउनुभयो।#OnlinePatinews #SwarnimWagle #RastriyaAbhilekhalaya #NepalNews सम्बन्धित ट्यागहरू: #नेपाल #समाचार #समाचार #OnlinePati यो समाचार सेयर गर्नुहोस्: फेसबुक ट्विटर ह्वाट्सएप म्यासेन्जर भाइबर लिंक कपी