भारत भ्रमण सकेर फर्किने क्रममा गृहमन्त्री सुधन गुरुङ र भारतीय विदेशमन्त्री जयशंकरबीच भेटवार्ता। काठमाडौँ । भारतको औपचारिक भ्रमण सम्पन्न गरी स्वदेश फर्कने क्रममा गृहमन्त्री सुधन गुरुङ र भारतीय विदेशमन्त्री डा. एस. जयशंकरबीच नयाँ दिल्लीमा भेटवार्ता भएको छ। नयाँ दिल्लीमा आयोजित बिम्स्टेक गृहमन्त्रीस्तरीय पहिलो बैठकमा भाग लिएर स्वदेश फिर्ता हुने क्रममा विमानस्थलमा उहाँहरूबीच आकस्मिक तथा सौहार्दपूर्ण भेट भएको हो। भेटका क्रममा नेपाल–भारत द्विपक्षीय सम्बन्ध, आपसी हित तथा पछिल्लो समय नेपालमा बाढीपहिरोले पुर्‍याएको क्षति र विपद् व्यवस्थापनमा सहकार्यका विषयमा संक्षिप्त छलफल भएको छ। भेटपछि विदेशमन्त्री जयशंकरले सामाजिक सञ्जालमार्फत गृहमन्त्री गुरुङसँग भेटवार्ता गर्न पाउँदा खुसी लागेको उल्लेख गर्नुभएको छ। सोमबार दिल्ली पुग्नुभएका गृहमन्त्री गुरुङले मंगलबार भारतीय गृहमन्त्री अमित शाहसँग पनि सीमा सुरक्षा, सीमापार अपराध नियन्त्रण र विपद् पूर्वतयारीका विषयमा द्विपक्षीय छलफल गर्नुभएको थियो। गृहमन्त्री गुरुङ आजै स्वदेश फर्कँदै हुनुहुन्छ। #onlinepatinews #SudhanGurung #SJaishankar #NepalIndia