भारत भ्रमण सकेर फर्किए गृहमन्त्री सुधन गुरुङ, विमानस्थलमा भीआईपी कक्ष प्रयोग नगरी सर्वसाधारणतर्फबाट बाहिरिए। काठमाडौँ । गृहमन्त्री सुधन गुरुङ तीनदिने भारत भ्रमण सम्पन्न गरी बुधबार साँझ स्वदेश फर्कनुभएको छ। त्रिभुवन अन्तर्राष्ट्रिय विमानस्थलमा अवतरणपछि उहाँ विशिष्ट व्यक्ति (भीआईपी) का लागि छुट्याइएको कक्ष प्रयोग नगरी सर्वसाधारण यात्रु बाहिरिने कक्षबाटै बाहिरिनुभएको हो। भारतको नयाँ दिल्लीमा आयोजित बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक) का गृहमन्त्रीस्तरीय प्रथम बैठकमा सहभागी हुन उनी असोज २६ गते दिल्ली प्रस्थान गरेका थिए। सम्मेलनलाई सम्बोधन गर्दै गृहमन्त्री गुरुङले जलवायु परिवर्तनका कारण क्षेत्रमा बढ्दो विपद्को जोखिम न्यूनीकरण गर्न 'बिमस्टेक क्षेत्रीय विपद् पूर्वतयारी तथा प्रतिकार्य रूपरेखा' निर्माणको प्रस्ताव राख्नुभएको थियो। भ्रमणका क्रममा उहाँले भारतीय समकक्षी अमित शाहसँग द्विपक्षीय भेटवार्ता गरी सीमा सुरक्षा र आपसी हितका विषयमा छलफल गर्नुभयो। यस्तै, काठमाडौँ फर्कने क्रममा नयाँ दिल्लीस्थित इन्दिरा गान्धी अन्तर्राष्ट्रिय विमानस्थलमा भारतीय विदेशमन्त्री एस. जयशंकरसँग पनि उहाँको संक्षिप्त भेट भएको थियो। #onlinepatinews #SudhanGurung #HomeMinister #NepalNews