प्रधानमन्त्रीको गोप्य मुस्ताङ भ्रमणबारे चासो, सुरक्षा निकायसमेत अनभिज्ञ
प्रधानमन्त्रीको गोप्य मुस्ताङ भ्रमणबारे चासो, सुरक्षा निकायसमेत अनभिज्ञ
प्रधानमन्त्री बालेन शाह निजी भ्रमणका क्रममा मुस्ताङ जाने तयारीमा रहेको खबर बाहिरिएसँगै उनको भ्रमणलाई लिएर विभिन्न किसिमका चर्चा सुरु भएका छन्। प्रधानमन्त्रीको भ्रमणलाई अत्यन्तै गोप्य राखिएको बताइए पनि यसबारे केही सूचनाहरू भने बाहिरिन थालेका छन्।
प्राप्त जानकारीअनुसार प्रधानमन्त्री शाह हाल पोखरास्थित एक रिसोर्टमा रहेको बताइएको छ। त्यहाँबाट उहाँ कुन माध्यमबाट मुस्ताङ जाने तयारीमा हुनुहुन्छ भन्ने विषयमा भने स्पष्ट जानकारी सार्वजनिक भएको छैन।
अझ रोचक कुरा, प्रधानमन्त्रीको मुस्ताङ भ्रमणबारे स्थानीय प्रशासनलाई समेत औपचारिक जानकारी नभएको बताइएको छ। मुस्ताङका प्रमुख जिल्ला अधिकारी (सीडीओ) लाई समेत प्रधानमन्त्री आउने विषयमा पूर्वजानकारी नभएको चर्चा बाहिरिएपछि भ्रमणको गोपनीयतालाई लिएर थप चासो बढेको छ।
यसैबीच, प्रधानमन्त्री शाह पोखराबाट मुस्ताङतर्फ जाने क्रममा बाटोमा रहेका नेपाली सेनाका केही ब्यारेकमा प्रवेश गरेको खबरहरू पनि बाहिरिन थालेका छन्। यद्यपि, प्रधानमन्त्री कुन स्थानमा पुग्नुभयो, कुन बाटो प्रयोग गर्नुभयो र सेनाका ब्यारेकमा उहाँको प्रवेशको उद्देश्य के थियो भन्नेबारे अहिलेसम्म आधिकारिक रूपमा पुष्टि भएको छैन।
प्रधानमन्त्रीको यो भ्रमणलाई निजी भ्रमण भनिए पनि सुरक्षा व्यवस्थादेखि यात्रा मार्गसम्मका विषय अत्यन्तै गोप्य राखिएको देखिन्छ। त्यसैले प्रधानमन्त्रीको भ्रमणलाई लिएर विभिन्न अनुमान र प्रश्नहरू उठिरहेका छन्।
हालसम्म प्रधानमन्त्रीको सचिवालय वा सम्बन्धित सरकारी निकायबाट भ्रमणको विस्तृत विवरण सार्वजनिक गरिएको छैन। त्यसैले बाहिरिएका सूचनालाई पुष्टि नभएसम्म तथ्यका रूपमा भन्दा सूचनाका रूपमा मात्र लिनुपर्ने देखिन्छ।
प्रधानमन्त्री वास्तवमै मुस्ताङ पुग्नुभएको हो वा पुग्ने तयारीमा हुनुहुन्छ, उहाँ कुन माध्यमबाट यात्रा गर्नुहुन्छ र भ्रमणको वास्तविक उद्देश्य के हो भन्ने विषय भने आधिकारिक जानकारी आएपछि मात्र स्पष्ट हुनेछ।
Online Pati News
यस अनलाइन पोर्टलका आधिकारिक लेखक तथा सम्पादक हुनुहुन्छ। देश तथा विदेशका ताजा र सत्य तथ्य समाचार पस्कन सधैं अग्रसर।
