इन्टरनेटको महसुल बढेको छैन, बढी शुल्क लिए कारबाही हुने : दूरसञ्चार प्राधिकरण। काठमाडौँ । नेपाल दूरसञ्चार प्राधिकरणले इन्टरनेट सेवाको महसुल वृद्धि गर्न कुनै पनि स्वीकृति प्रदान नगरिएको स्पष्ट पारेको छ। पछिल्लो समय इन्टरनेटको शुल्क बढेको चर्चा चलिरहेका बेला नियामक निकायले यस्तो स्पष्टोक्ति दिएको हो। प्राधिकरणका अनुसार पूर्वस्वीकृतिबिना महसुल वृद्धि गर्ने, उपभोक्तासँग तोकिएको भन्दा बढी शुल्क असुल्ने वा महसुलबारे भ्रम फैलाउने कार्य कानुनविपरीत ठहरिनेछ। यस्तै, गैरकानुनी रूपमा सेवा सञ्चालन गरेको पाइएमा तत्काल छानबिन गरी दोषीमाथि प्रचलित कानुनबमोजिम कडा कारबाही गरिने चेतावनी मन्त्रालय तथा प्राधिकरणले दिएको छ। उपभोक्ताको हितविपरीत हुने कुनै पनि गतिविधि स्वीकार्य नहुने भन्दै स्वीकृत दरमै सेवा प्रवाह गर्न इन्टरनेट सेवा प्रदायकहरूलाई सचेत गराइएको छ। #onlinepatinews #InternetPrice #NTA #NepalNews