कांग्रेस महाधिवेशन : सुरुवाती दुई घण्टामा १ हजार २९३ मत खस्यो। काठमाडौं । नेपाली कांग्रेसको नयाँ नेतृत्व चयनका लागि जारी मतदानमा सुरुवाती दुई घण्टाको अवधिमा १ हजार २९३ मत खसेको छ। बिहान ८:३० बजे सुरु भएको मतदानमा १०:३० बजेसम्म उक्त सङ्ख्यामा महाधिवेशन प्रतिनिधिहरूले मतदान गरेका हुन्। प्रदेशगत विवरणअनुसार सुदूरपश्चिम र कर्णाली प्रदेशबाट २५७, कोशी प्रदेशबाट २२२ तथा बागमती प्रदेशबाट २१७ मत खसेको छ। यस्तै लुम्बिनी प्रदेशबाट २०२ र गण्डकी प्रदेशबाट १८८ मत खसेको जनाइएको छ। सभापतिसहित केन्द्रीय कार्यसमितिका पदाधिकारी तथा सदस्यहरू चयनका लागि भइरहेको मतदानमा महाधिवेशन प्रतिनिधिहरूको उत्साहजनक सहभागिता रहेको छ। हाल मतदान प्रक्रिया शान्तिपूर्ण र निर्वाध रूपमा अघि बढिरहेको छ। #onlinepatinews #NepaliCongress #CongressMahadhiveshan #NepalPolitics